VIDEOCONFERENCIA con XAVIER FONSECA BLANCO.

O 22 de xaneiro, ás 12 h (8 h na base Juan Carlos I, na illa Livingston, na Antártida; https://www.youtube.com/watch?v=lSYAY8MJvjg) mantivemos unha videoconferencia con Xavier Fonseca Blanco (responsable de Historias do Tempo en La Voz de Galicia).

Susana Bayo Besteiro, licenciada en Física, especialidade en Atmósfera e Medio Ambiente, investigadora do EPhysLab (Environmental Physics Laboratory) no Programa Campus da Agua, da Uvigo, colaboradora do programa ambiental do centro desde abril de 2015, presentounos en decembro de 2019 o proxecto de comunicación de Xavier Fonseca, divulgador científico especializado en Meteoroloxía e Cambio Climático, que actualmente está a levar a cabo o Doutorado sobre Comunicación Medioambiental, e está a pasar dous meses na Antártida tras presentar un proxecto sobre educación e comunicación do Cambio Climático.

Á conferencia asistiu todo o alumnado de Cultura Científica de 1º Bac, acompañado por varios docentes do Seminario de Ciencias Experimentais, ademáis de Manuel Galllego (responsable das comunicacións) e a citada Susana Bayo (amiga persoal e colaboradora de Xavier Fonseca).

Nas xornadas previas, o alumnado preparou a sesión redactando preguntas de interese para facerlle a Xavier Fonseca durante a videoconferencia, que se levou a cabo empregando Google Meet. Tamén traballaron en pequenos grupos sobre as publicacións da última semana e artigos científicos relacionados.

A videoconferencia íntegra pode verse en https://www.youtube.com/watch?v=jEGQHvkldAc.