Boas tardes. Eu son Carlos. A miña compañeira Ánxela xa me presentou fai máis dun mes. Desde aquela, o noso proxecto de composteiro foi evolucionando considerablemente. Como na miña opinión unha imaxe vale máis que mil palabras, prefiro contarvos o que fixemos a través delas.
O primeiro é amosarvos os meus «novos amigos». Cal credes que medrará máis rápido?
Pasamos un bo rato dándolles forma…
Os nosos «amigos» son moi comilóns e un tanto especiais. Un deles papa soamente herba e follas e o outro fai a dixestión de restos de comida.
Cada semana pasámoslle unha «revisión», consistente en medir distintos parámetros relacionados co proceso de degradación da materia orgánica. Observamos como lles vai subindo a febre, teñen ardor de estómago, a enchenta que se meteron o primeiro día e como se van facendo cada vez máis obesos.
Ánxela máis eu seguimos coidando deles semanalmente.
Estreamos peachímetro, que non usamos ata agora, subindo unha mostra de materia orgánica ao laboratorio.
Na próxima entrada contarémosvos máis cousas. Deica entón, saúdos e seguide a mirar o noso blog.
