O xoves da pasada semana, o alumnado de Ciencias da Terra e do Medio de 2º de Bacharelato visitou a exposición en préstamo da Escola Técnica Superior de Enxeñaría de Minas da Universidade de Vigo, instalada na Sala de Música do primeiro andar do edificio de EI, ESO e Bac.
Os paneis da exposición amosaban contidos sobre as enerxías renovables, a importancia dos materiais, os recursos mineiros de Galicia (granito, lousa, áridos, augas minerais…) e a restauración de explotacións mineiras, citando exemplos atopados dentro e fora da nosa comunidade autónoma.
A actividade estivo organizada polos responsables do Seminario de Ciencias Experimentais.
