Esta semana o alumnado de primeiro curso de ensino primario, acompañado por Álvaro, Cris e Ruth (titoras e titor), e coa axuda do compañeiro Epi e de Sinda, levou a cabo o percorrido noreste do sendeiro periurbano, entre o cole e Mende.
As/os cativas/os camiñaron pola beira sur do Miño e tiveron a oportunidade de, grazas ós prismáticos aportados polos docentes, observar aves como os alavancos (Anas platyrhynchos), a garza (Ardea cinerea) e os corvos mariños (Phalacrocorax carbo). Durante esta primeira parte do percorrido todas e todos pasamos baixo as pontes que permiten cruzar o río.
Cando chegamos á desembocadura do Loña remontamos este afluente do Miño pola súa beira sur ata chegar a Mende. Polo camiño, ben seguro que algún martiño pescador (Alcedo atthis), troitas (Salmo trutta) e algunha lontra (Lutra lutra) decatáronse da nosa presenza, sobre todo mentres as/os educadoras/es nos facían fotos coas/cos compañeiras/os.
O bo tempo permitiu que desfrutaramos das xornadas matinais na natureza a tiro de pedra da casa.
