Alumnado, familias, mestras e mestres, policía nacional, garda civil e policía local, participaron nun percorrido simbólico, cruzando a Ponte Vella, para reivindicar a mobilidade sostible, evitando na medida do posible o uso dos vehículos a motor para vir ao cole.
A actividade Andando á escola ten como obxectivo destacado que os escolares acudan a clase no medio de transporte máis básico: a pé. A acción xurdiu con motivo do Día Mundial sen coches, que se commemora o 22 de setembro.
Esta actividade forma parte do programa de seguridade viaria do centro, no que o alumnado participou de forma activa ao remate do curso pasado.
Antes de entrar ao cole, o grupo posou diante da fachada.
