En entradas anteriores compartimos algunhas imaxes do roteiro didáctico polo Parque Natural O Invernadeiro. No taboleiro adicado a Voz Natura (no pórtico do centro) tamén se colocaron instantáneas desa actividade, moi comentadas polas familias que a diario pasan por diante do mesmo.
O alumnado do grupo B de 1º de ESO, inspirado polas imaxes das/dos compañeiras/os, empregou témperas para levar a cabo dúas láminas adicadas ó outono, como actividade da clase de EPVA. Nunha delas imitaron as cores das follas. Na outra, reproduciron as paisaxes do outono. Amosamos a continuación unha selección das mesmas.
Estas láminas quedarán expostas no taboleiro de Voz Natura ata a volta das festas de nadal.
