Está a chegar a primaveira. E como homenaxe ó mundo das plantas, o alumnado de ensino infantil levou a cabo o día 17 de marzo unha actividade moi completa na horta escolar.
Os máis pequenos foron os primeiros en chegar, e desfrutaron da horta e do paseo polas zonas verdes do centro.
Para levar a cabo a actividade, reciclamos bricks de leite, e usamos terra da horta e ferramentas para plantar bulbos.
Os de 4 e 5 anos tamén participaron, esforzándose en tratar con agarimo as plantas, dándolle moito mimo para que poidan sair canto antes.
Sabendo que temos que agardar uns días para que saian as plantiñas, animámolas cantándolle «…chegou a primaveira, chegou a primaveira…»
Todas e todos desfrutaron da actividade e aprenderon un montón sobre a horta e as plantas.
