Durante o primeiro trimestre o alumnado de Ensino Infantil, asemade de participar na actividade de recollida selectiva de aceite usado doméstico (ver: https://naturezaula.salesianosourense.com/2021/11/6o-de-infantil-recicla-o-aceite-usado-domestico/), levou a cabo unha manchea de actividades vencelladas ao proxecto. A continuación presentamos algúns dos momentos máis destacados das mesmas:
UNHA ÁRBORE DE OUTONO. 24 de setembro.
Para aprender as cores do Outono nada mellor que vivilo na natureza e experimentar. Os nenos e nenas de 4ºC de Infantil recoñeceron as cores, formas e texturas das follas de diferentes tipos de árbores. Logo traballaron con pinturas de dedos e decoraron a súa propia árbore. Unha actividade moi completa e divertida !!!
DEBUXOS PARA A ILLA DE LA PALMA, 6 de outubro.
Soubemos que un mestre tivera unha idea: motivar aos nenos e nenas de toda España a crear debuxos con sentimentos positivos para envialos aos nenos e nenas de La Palma. Conscientes de que o noso alumnado tamén era coñecedor destas noticias, e que moitas veces nos seus debuxos plasmaban esto, ou que directamente nos preguntaban, decidimos unirnos a esta actividade.
PREPARACIÓN DA HORTA ESCOLAR MAMÁ MARGARIDA, 8 e 13 de outubro.
Os nenos e nenas de Ensino Infantil disfrutaron un montón preparando a horta para comezar a cultivar produtos típicos do outono nas vindeiras semanas.
COLLAGE DE OUTONO, 15 de outubro.
A parte máis bonita do outono son as suas cores. Por eso os nenos de 4ºC de Educación Infantil encántalles recolectar follas secas, ramiñas, paus e piñas. Voltamos así á horta cada semana para ver como van cambiando as follas e as cores das árbores, prantas e froitos. A actividade “un collage de outono” inclúese na unidade didáctica da aula, pero é axeitada para realizar ao ar libre. Os cativos e cativas recolectaron en cestas todo o necesario e ao chegar á aula traballamos con materiais naturais recollidos por eles mesmos na horta escolar. Aproveitaron tamén o bo tempo outonal para facer un contacontos na horta observando a natureza e disfrutando do espazo aberto.
MAGOSTO, do 8 ao 13 de novembro.
A semana anterior ao San Martiño os nenos de Ensino Infantil estiveron traballando a temática do Magosto, festa popular e tradicional na nosa cidade: visitaron a horta escolar para ver de onde veñen as castañas, coñecer á árbore que nos da as castañas, os ourizos; levaron a cabo manualidades, pintáronse… Desfrutaron un montón con esta experiencia diferente e enriquecedora.
Tamén degustaron as deliciosas castañas que se fixeron no lume da celebración colexial.
A continuación podemos ver como as familias dos nenos e nenas de 5º fotografaron aos cativos nalgunha localización característica do San Martiño, desfrutando da festa na nosa cidade e na súa contorna.
RAPOSO CON FOLLAS SECAS, 26 de novembro.
Os nenos de 4ºA pasaron unha tarde diferente é divertida facendo un raposo con follas secas para traballar o tema do outono.
PLANTACIÓN NA HORTA, 23 e 24 de novembro.
Aproveitando os últimos días do mes, os cativos e cativas de Ensino Infantil foron a horta para plantar repolo, berza branca, repolo rizo, porro, cebola e leituga.
O alumnado de 5º plantou cabazas que trouxo Alejandro, un compañeiro de 5º C.
