O xoves 30 de abril Alesandra, Sabela e María, acompañadas polo salesiano Amador Lama Tombo e por Quique, coordinador de NaturezAula, asistiron á gala de entrega de premios da segunda edición do concurso #ParqueVibras (http://www.parquevibras.gal) nas instalacións de Porta do Xurés en Muíños.
O concurso #ParqueVibras está organizado pola Dirección Xeral de Patrimonio Natural da Consellería de Medio Ambiente e Cambio Climático da Xunta de Galicia. O obxectivo deste concurso é sensibilizar e dar a coñecer entre o alumnado de ensino secundario obrigatorio o valor do patrimonio natural de Galicia, en concreto dos seis parques naturais: Fragas do Eume, Complexo Dunar de Corrubedo e Lagoas de Carregal e Vixán, Monte Aloia, Baixa Limia-Serra do Xurés, O Invernadeiro e Serra da Enciña da Lastra.
O formato é dun vídeo destinado á difusión nas redes sociais, valorándose o uso creativo de recursos como a música, os efectos visuais, os gráficos e o formato narrativo. O contido procura resaltar a importancia ambiental, cultural ou social dos parques naturais de Galicia e axudar a conservalos para as vindeiras xeracións. Pode participar no concurso o alumnado de 3º e 4º da ESO residente en Galicia e matriculado nun centro educativo galego durante o curso escolar 2025-2026, e a participación pode ser de xeito individual ou en grupo (mínimo dúas persoas, máximo o alumnado dun mesmo grupo/aula). O noso centro presentou as seguintes propostas:
Marta García Fernández, María Palomanes Nieva, Sara Méndez Díaz, Valentina Zoe Sánchez Barrios, Lucía Penas Lorenzo, Lucía Zamora Pérez e Valeria Caridad Hernández Salazar, de 4ºA ESO:
Nika González Barca, Alicia González Fernández, Sela Blanco González e Alejandro González Martínez, de 3ºB ESO:
https://youtube.com/shorts/IqQIL-Jortc?feature=share.
Alesandra Eiras Míguez, Sabela Gómez Bailón e María Vázquez Nespereira, de 3ºC ESO:
Esta última foi seleccionada como finalista, xunto con otras once de toda Galicia.
A gala de entrega de premios levouse a cabo no Complexo Turístico “O Corgo”, en Muíños.
Esther Estévez Casado, Premio Mestre Mateo 2022 á mellor comunicadora polo programa Dígocho eu, foi a encargada de dinamizar a gala, presentando a finalistas e gañadores.
A continuación tres fotografías levadas a cabo por Ramsés, cedidas por #ParqueVibras.
Logo da gala, especialistas en creación de contidos para redes sociais compartiron o obradoiro Influencers de natureza. Ao remate deste tivo lugar a apertura do foodtruck, seguido de tempo libre para explorar Porta do Xurés de Muíños ata as 15:30 h.
