Dentro da nosa campaña vocacional, no colexio queremos achegar o alumnado á importancia de todas as profesións, especialmente daquelas relacionadas coa natureza e coa produción de alimentos. Por iso, damos un gran valor á agricultura e ás persoas que traballan no campo, fundamentais para o noso día a día. Un exemplo deste traballo é a nosa horta escolar, onde o alumnado pode coñecer e vivir de preto o proceso de cultivo e comprender de onde veñen os alimentos que consumimos.
Fotografías tomadas durante o primeiro trimestre no Ecoparque Infantil Mamá Margarida.
Neste contexto educativo, o venres 16 de xaneiro pola tarde o alumnado de Educación Infantil recibiu a visita de varios agricultores, que viñeron compartir con eles a súa experiencia e a importancia do seu traballo.
Esta visita tivo un significado especial, xa que actualmente os agricultores están en folga para reclamar mellores condicións para o sector. Esta é unha realidade que o alumnado pode observar cada día nas rúas próximas ao colexio, onde se poden ver tractores estacionados como forma de protesta.
Precisamente, durante a súa visita trouxeron un par de tractores, símbolo das súas reivindicacións e ferramenta esencial no seu labor diario no campo.
Alumnado de 6º.
Alumnado de 5º.
Coñecer esta situación axúdanos a valorar aínda máis o seu traballo e a comprender que a agricultura é esencial para a nosa alimentación. Grazas aos agricultores, os alimentos chegan ás nosas mesas, polo que é importante respectar e coidar o seu labor diario, así como a terra da que vivimos.
Como xesto de agradecemento, ademais de compartir o seu tempo e coñecementos, os agricultores agasalláronnos cunha bolsa de patacas, que o alumnado recibiu con moita ilusión.
Alumnado de 4º.
Alumnado de 5º.
Pola súa banda, os nenos e nenas entregáronlle debuxos feitos con moito agarimo.
Debuxos de 6º B para os tractoristas.
