O alumnado e as mestras e mestres de Ensino Infantil (E.I.) levaron a cabo una manchea de actividades durante o primeiro trimestre do curso 2025-2026.
ECOPARQUE INFANTIL MAMÁ MARGARIDA: UN PROXECTO QUE MEDRA CO ALUMNADO.
Texto elaborado pola compañeira Chelo Galiña Gómez.
O 26 de setembro comenzaron as visitas ao Ecoparque Infantil Mamá Margarida. O alumnado de 5º e 6º de E.I. visitou a horta escolar para comprobar como avanzaba a colleita dos alimentos plantados o pasado curso.
Con gran entusiasmo, puideron observar o crecemento de cabazas, cabacíns, tomates, pementos e incluso algunhas fresas que aínda se mantiñan nas plantas.
En outubro chegou un dos momentos máis agardados do curso: a colleita. Nesta ocasión, o alumnado de 6º de E.I. asumiu a responsabilidade de recoller as verduras que maduraron tras meses de coidados. Aproveitando a actividade, celebrouse tamén o Día da Alimentación Saudable mediante un aprendizaxe cooperativo, onde os cativos e cativas reflexionaron sobre a importancia de consumir froitas e verduras e como estes alimentos contribúen a unha dieta sá e equilibrada.
Tras a colleita, o alumnado de 5º de E.I. continuou o traballo ocupándose de preparar a terra para a próxima sementeira. Esta tarefa, esencial para garantir o crecemento dos futuros cultivos, consistiu en retirar restos de plantas, airear o solo e deixalo listo para recibir novas sementes.
En novembro, o alumnado de 6º de E.I. voltou á horta para plantar herbas aromáticas. Esta nova actividade permitiu que descubriran diferentes aromas, coñecer os seus usos culinarios e aprender como estas plantas poden atraer insectos beneficiosos e contribuir ao equilibrio natural da horta.
En conxunto, esta experiencia permite ao alumnado aprender de maneira práctica sobre o traballo en equipo, o coidado da contorna e a satisfacción de ver medrar, colleitar e voltar a sementar aquelo que eles mesmos teñen coidado.
MANIFESTACIÓN EN CONTRA DOS LUMES FORESTAIS DO PASADO VERÁN.
O 12 de setembro o alumnado de E.I. participou na manifestación en contra dos lumes forestais que se levou a cabo diante da fachada principal do centro.
MAGOSTO COLEXIAL.
Os máis peques do cole celebramos o magosto por todo o alto.
Aulas de 4º.
Aulas de 5º.
Aulas de 6º.
RINCÓN DE OUTONO.
Texto elaborado polas compañeiras de E.I.
Na aula de 3 anos o outono chegou cargado de cores, texturas e moita ilusión. O alumnado inaugurou o seu agardado rincón de outono, un espazo deseñado para explorar, tocar e descubrir os elementos máis característicos desta estación. Durante varios días, as familias colaboraron traendo follas secas, piñas, ramas, castañas, froitos e outros elementos naturais para decorar a clase. Tamén elaboraron manualidades otoñais, debuxos… Con todo este material, xeramos un ambiente cheo de marróns, amarelos e laranxas, que convida ao xogo e á experimentación.
O rincón de outono é moito máis que un espazo decorativo, vai medrando ata convertirse nun recurso educativo que permite traballar a observación, a linguaxe, os sentidos e a creatividade. O alumnado pode explorar os materiais, participar en actividades sensoriais, realizar lecturas temáticas e desfrutar de momentos de aprendizaxe nun ambiente cálido e acolledor.
FOLLAS DE OUTONO.
O 3 de outubro o alumnado de 5º E.I. saiu aos xardíns do centro a apañar follas para decorar a aula.
