A mañá do luns 17 de novembro o alumnado de Bioloxía e Xeoloxía de 1º de Bacharelato, acompañado por dous docentes desta asignatura en ESO-BAC e unha alumna en prácticas do Máster Universitario en Profesorado de Educación Secundaria Obrigatoria e Bacharelato, tivo a oportunidade de visitar as instalacións da Estación de Tratamento de Auga Potable (E.T.A.P.) de San Francisco, en Ourense. O desprazamento ata esta infraestrutura levouse a cabo a pé, tanto á ida como á volta. Recibiunos Roberto, técnico da planta, e acompañounos durante todo o percorrido, explicándonos o funcionamento das distintas partes da infraestrutura e os procesos que se levan a cabo na mesma.
A visita forma parte das actividades propostas por VIAQUA-Servizo Municipal de Augas para facilitar o coñecemento por parte da cidadanía das intalacións de abastecemento de auga da cidade, co obxectivo de concienciar á poboación sobre o consumo responsable de auga e as particulariedades da xestión sostible da mesma.
Roberto destacou a importancia dos procesos que se levan a cabo nesta infraestrutura, desde a recepción da auga (de distintos puntos de procedencia, según caudal, calidade e momento do ano) á decantación, coagulación, floculación e desinfección. Durante as súas valiosas explicacións, comparou o funcionamento da planta de San Francisco coa nova instalación de As Coiñas (Ourense noreste).
Roberto convidou ao grupo a visitar a sala onde se atopa o panel de control da planta…
… así como o laboratorio do andar superior.
Antes de marchar, Roberto acompañounos ata o depósito vello, unha reliquia arquitectónica á que xa non se lle da uso, que lembra tempos nos que a familia de guardeses encargábase de garantir a potabilidade da auga na cidade.
Antes de marchar, prestamos atención ao plano xeral da cidade de Ourense, do ano 1.868, que recolle gráficamente as canalizacións de distribución das augas do río Loña.
Unha visita de algo máis dunha hora que terá continuidade o 20 de abril de 2026 na que será a VI Visita á Biofactoría-E.D.A.R. de Reza. O noso agradecemento a todo o persoal da planta, especialmente a Roberto por acompañarnos durante a mesma.
