Durante o segundo trimestre do curso, dándolle continuidade a unha das dinámicas iniciadas co proxecto, parte da tarefa avaliable da asignatura de Educación Plástica, Visual e Audiovisual de 3º de ESO consistiu nunha serie de catro láminas levadas a cabo con rotulador 0.2, sobre papel vexetal cortado A5, traballando o punto, a liña, a mancha e un conxunto das tres técnicas, empregando como modelo unha das fotografías publicadas no blog do proxecto. O docente puso a disposición do alumnado fotografías de distintas actividades, todas presentes no blog.
Aula de 3ºC de ESO, 7 de febreiro.
Aula de 3ºA de ESO, 11 de febreiro.
Aula de 3ºB de ESO, 13 de febreiro.
Moitas desas fotografías foron empregadas tempo atrás para ilustrar o taboleiro do que dispón o proxecto no pórtico do edificio de EI-ESO-BAC, polo que se lle deu un novo uso a ese papel.
As indicacións para empregar estes elementos pictóricos estaban dispoñibles nunha carpeta de Google Drive compartida con todo o alumnado da asignatura, ao través de presentacións elaboradas polo docente, que contaban tamén con exemplos dos traballos levados a cabo en cursos anteriores.
Antes de rematar o período de avaliación do segundo trimestre o alumnado colocou os seus traballos na carteleira e nas fiestras interiores das súas aulas, onde quedaron expostos durante varias semanas. A finais de abril foron retirados e devoltos a cada alumna/o, que os gardou no seu block de traballo.
Montaxe nas aula de 3º de ESO, segunda semana de marzo.
Aula de 3ºA de ESO, 3 de abril.
Aula de 3ºB de ESO, 3 de abril.
Aula de 3ºC de ESO, 3 de abril.
