A comunidade educativa do CPR Plurilingüe María Auxiliadora de Ourense puido desfrutar da exposición itinerante “Galicia, conservando a natureza”, cedida polo CEIDA. A exposición estivo instalada no terceiro andar do edificio de EI, ESO e BAC entre o martes 18 de febreiro e o mércores 12 de marzo.
Esta exposición itinerante consta de 22 paneis, nos que se pretende achegar á mocidade á conservación da natureza galega, espertando unha actitude positiva e de respecto e valoración dos recursos naturais, de cara a un mellor coñecemento, aprecio e conservación dos mesmos. Entre os obxectivos da exposición destacan:
A natureza galega é un mosaico de paisaxes de costa e montaña, densas fragas e chairas extensas, rías onde conflúen os ríos e o mar, queirugais, matos e lagoas. Esta variedade de hábitats acolle unha importante diversidade de especies animais e vexetais, algunhas das cales presentan, no noso territorio, poboacións de extraordinaria importancia a nivel internacional, pola súa escaseza ou polo reducido tamaño do seu territorio, como poden ser a salamántiga rabilonga ou a vacaloura. Non obstante, a actividade humana xunto co seu espallamento, a explotación dos recursos, a contaminación… chegaron a poñer en perigo esta biodiversidade. A aplicación de figuras de protección ambiental, que limitan a actividade humana en determinados territorios, permítenos salvagardar na actualidade os valores naturais que conteñen, e que son representativos da paisaxe, flora e fauna de Galicia. O 12 % do territorio galego atópase amparado por figuras de protección máis ou menos restrictivas, como os parques naturais, espazos naturais, lugares de interese comunitario ou zonas de especial interese para as aves, garantindo a preservación da nosa biodiversidade.
Por que esta exposición?
Presentar ao gran público a diversidade e singularidade dos nosos espazos naturais protexidos permite concienciar á poboación sobre a importancia da conservación do medio natural e o seu propio papel na preservación da natureza e das súas especies. Os/as visitantes poderanse sorprender coa cantidade e diversidade de espazos protexidos declarados no territorio galego, a variedade e singularidade das especies animais e vexetais que poden atopar neles, entenderán o significado das figuras de protección e o que conlevan, e desenvolverán actitudes de responsabilidade fronte a conservación ambiental.
Para facilitar a xestión das visitas elaborouse un calendario que foi enviado ás distintas salas de profesores, para que cadaquén anotara os grupos-aula cos que tiña intención de achegarse ata a montaxe. O martes 18 de febreiro pola mañá, o alumnado de 4ºA ESO, acompañado polo docente de BX, foi o responsable do traslado, montaxe e instalación dos paneis.
As visitas con alumnado comezaron o luns 24, con 2º, 4º e 6º de EP.
2ºA EP
4ºA EP
6º EP
O mércores 26 foi o turno de 4º de ESO, e o venres 28 o de 3º de ESO.
4ºA ESO Bioloxía e Xeoloxía
4ºB+C ESO Bioloxía e Xeoloxía
3ºA ESO
3ºB ESO
3ºC ESO
O xoves 6 pola mañá achegouse o alumnado de 1ºA de ESO; e pola tarde o de 4º de EI.
1ºA ESO
4º EI
E o venres 7 foi o turno de 1ºA BAC e dos outros dous cursos de 1º de ESO; e pola tarde de 5º de EI.
1ºA BAC
1ºB ESO
1ºC ESO
5º EI
O mércores 12 de marzo, o alumnado de 4ºA recolleu a exposición e trasladouna ata portería. Os coordinadores da actividade queren agradecer a colaboración do alumnado de 4ºA de ESO, tanto no traslado e montaxe como na recollida da exposición.
O noso agradecemento ao CEIDA pola cesión deste interesante material divulgativo. Agardamos que servira para sensibilizar á comunidade educativa.
