LAGOA DE ANTELA, “HUMIDAL ESQUECIDO”.

Xornada organizada por Seo/BirdLife en Sandiás (Ourense).

O 1 de febreiro pola mañá varios docentes participamos nunha xornada sobre a Lagoa de Antela organizada por Seo/BirdLife en Sandiás (https://seopontevedra.blogspot.com/2025/01/dia-mundial-dos-humedais.html).

Con motivo do Día Mundial dos Humidais (2 de febreiro), SEO/BirdLife organizou esta xornada sobre a lagoa de Antela, un “humidal esquecido”, desecado a partir da década de 1950.

O alcalde de Sandiás foi o encargado de presentar a xornada e aos convidados.

Gustavo Ferreiro, de SEO Pontevedra, foi o condutor da xornada; as charlas estiveron a cargo de:

– Ramón Martí Montes, Director de Desarrollo Institucional de SEO/BirdLife.

– Serafín González Prieto, Sociedade Galega de Historia Natural (SGHN).

– Diego Rodríguez Vieites, Sociedade Galega de Ornitoloxía.

Ao remate das ponencias, e logo dun refrixerio á cargo do Concello de Sandiás, desplazámonos nun microbús e en coches particulares ata varios puntos de Antela.

Rematamos a visita na Veiga de Gomareite, onde a SGHN xestiona 16 hectáreas para a súa recuperación (https://sghn.org/veiga-de-gomareite-metamorfosis-vertedero-en-espacio-valioso-ganaderia-y-biodiversidad/). Na pista de acceso atopamos un rastro de teixugo, Meles meles, e outro dun mustélido.