O alumnado e as mestras e mestres de Ensino Infantil levaron a cabo una manchea de actividades durante o primeiro trimestre do curso 2024-2025.
ECOPARQUE INFANTIL MAMÁ MARGARIDA.
O 16 de setembro, os peques de 4º estrearon con moita ilusión o Ecoparque Infantil Mamá Margarida, logo da profunda remodelación deste espazo integrador que permite desfrutar do xogo e aprender coa horta escolar.
O 7 de outubro, alumnado de 5º comezou coas tarefas da horta escolar. Aínda que o tempo estaba algo revolto aproveitaron un intre que non chovía para apañar castañas, cabazas (que plantáramos o curso pasado) e para renovar as plantiñas, con leitugas escarola, pementos morróns, fresas, aloe vera e algunhas flores de tempada, que ben seguro porán unha nota de cor no ecoparque. Queremos amosar o noso agradecemento ás familias que teñen colaborado enviando plantiñas para que nenas e nenos de 5º puideran desfrutar e aprender na horta.
4º voltou o 6 de novembro, desta vez para continuar cos coidados da horta.
ACTIVIDADES DE OUTONO.
Entre o 11 e o 16 de outubro 4º e 5º levaron a cabo distintas actividades.
Alumnado de 4º de Ensino Infantil.
Alumnado de 5º de Ensino Infantil.
Alumnado de 4ºA de Ensino Infantil.
MAGOSTO COLEXIAL.
Os máis peques do cole celebramos o magosto por todo o alto. O día 5 de comezaron os preparativos nas aulas…
Aula de 4º.
Aula de 5º.
Aula de 6º.
… para chegar ao día 8 con todo listo para desfrutar, con cancións e xogos en clase, brasas e merenda compartida con todos os amiguiños. Estas caras de felicidade non enganan.
