A comunidade educativa do CPR Plurilingüe María Auxiliadora de Ourense puido estrear a exposición “Sen insectos non hai vida”, deseñada por Ecoloxistas en Acción en colaboración coa Asociación Española de Entomoloxía, e financiada polo Ministerio para a Transición Ecolóxica e o Reto Demográfico. Grazas a Nancy Blanco, coordinadora de Ecoloxistas en Acción Ourense, encargada de xestionar a cesión do material, a exposición estivo instalada no vestíbulo de secretaría entre o luns 29 de outubro e o venres 22 de novembro.
Esta exposición, que comezou a súa andadura pola provincia no noso centro, consta de doce paneis, nos que se recolle bioloxía, hábitats, alimentación… e unha manchea de datos e curiosidades sobre os insectos. Estes artrópodos áchanse en declive, estimándose que a súa tasa de extinción é da orde de oito veces máis rápida que a dos mamíferos, aves e réptiles, debido principalmente aos cambios de uso do chan que reducen os recursos, o emprego de biocidas, infeccións emerxentes, especies domésticas introducidas e os efectos do cambio climático.
Para facilitar a xestión das visitas elaborouse un calendario que foi enviado ás distintas salas de profesores, para que cadaquén anotara os grupos-aula cos que tiña intención de achegarse ata a montaxe.
O luns 29 pola mañá, alumnado de 4ºA de ESO, acompañado polo docente de Bioloxía e Xeoloxía, foi o responsable do traslado e da instalación dos pósters.
As visitas comezaron o mesmo luns, con alumnado de Ensino Infantil acompañado por alumnado e docentes de Ensino Primario.
As visitas dos grupos-aula comezaron o mes de novembro, co alumnado de 6º de Ensino Primario acompañado por Luis Canal.
6ºA
6ºB
6ºC
O martes 5 de novembro foi o turno de 5º de Ensino Infantil, acompañado polas mestras Vanesa, Mónica e Belén.
O mércores 6 foi o turno de 3ºC de Ensino Primario, acompañados por Manuel.
O xoves 7 visitaron a exposición 2ºA (con Loli) e 3ºB (con Marta Besteiro) de Ensino Primario.
O venres 8, antes do recreo, pasou o alumnado de 3º de ESO…
3ºC
3ºA
3ºB
… e a última hora os de 1ºC de ESO (cun cuestionario deseñado por Gustavo).
O alumnado de 4º de ESO matriculado en Bioloxía e Xeoloxía visitou a exposición o martes 12 pola mañá.
4ºA
4ºB e C
1º de Ensino Primario foi pola tarde.
O mércores 13 pola mañá foi o turno de 1ºA, antes do recreo, e máis tarde de 1ºB, ambos de ESO, acompañados por Gustavo (que lles preparou un cuestionario)…
1ºA
… e pola tarde, o de 4ºB de Ensino Infantil, acompañandos por Jorge.
O venres 23 o alumnado de 4ºA, acompañado polo docente de Bioloxía e Xeoloxía, foi o encargado da recoller os pósters.
A exposición marchou do centro o luns 25. O noso agradecemento a Ecoloxistas en Acción e a Nancy Blanco, pola cesión deste interesante material divulgativo. Agardamos que servira para sensibilizar á comunidade educativa.
