O alumnado e as mestras e mestres de Ensino Infantil (deseguido EI) e Ensino Primario (deseguido EP) levaron a cabo unha manchea de actividades durante o mes de xuño do curso 2023-2024.
PASEA POLA TÚA CIDADE.
A actividade foi realizada o luns 3 de xuño polos nenos e nenas de 5º de EI. Percorremos os monumentos máis emblemáticos do casco antigo coa súa correspondente explicación por parte dun personaxe que nos acompañou todo o camiño: o noso querido Martiño. Descubrimos lendas de augas máxicas e un pouquiño de historia.
Foi unha experiencia moi bonita de compañerismo e aprendizaxe.
RECOLLIDA DA COLLEITA DA HORTA ESCOLAR “MAMÁ MARGARIDA”.
O alumnado de 4º de EP recollemos a colleita da nosa horta, que fomos coidando ao longo do curso. Esta vez, o luns 3 tocou recoller unhas espléndidas cebolas e allos porros para facer unhas riquísimas receitas. Tamén comezamos a preparar a terra para volver a sementar.
FERVENZAVENTURA.
O martes 4 de xuño o alumnado de 1° de EP desfrutou dun fermoso día en @fervenzaventura !
Unha mañá rodeados de animais onde puideron coñecer hábitos e costumes de cabalos, ovellas, porcos, galiñas, ocas; alimentar cabras e becerros,… e ver crías de coellos !
Logo dun bo xantar á sombra e un pequeno descanso, continuaron cunha tarde na que se converteron en expertos buscadores de rastros e pegadas dos animais autóctonos da zona; e como non, grandes artesáns peiteando a lá para facer unha pulseira !
Canto aprendemos e gozamos todos xuntos !
