Na tarde do xoves 21 de decembro de 2023 levouse a cabo a montaxe, instalación e posta en funcionamiento da estación meteorolóxica do centro.
A tarefa comezou no local da carpintería do centro, onde Roi Prieto Gómez (sobriño de Marta Gómez Cid, xefa de estudos de ESO e BAC), Juan Cao (responsable de mantemento) e César Mares (responsable de infraestruturas de rede e domótica) fixeron a montaxe e conexión da estación á rede do centro. A continuación Roi e Juan, acompañados polo director, Lupicinio Peña, levaron a cabo a instalación e posta en funcionamento no tellado do centro.
Desde ese momento, a estación esta a suministrar datos de temperatura, humidade relativa, dirección e velocidade do vento, presión atmosférica, índice ultra violeta, fase lunar, pluviometría…
Con toda esta información, a comunidade educativa poderá levar a cabo distintas actividades de tratamento de datos e investigación dentro dos campos da climatoloxía, meteoroloxía, estatística,…
Podedes seguir as achegas proporcionadas pola estación na seguinte ligazón: https://app.weathercloud.net/map#8971817734.
