O mércores 8 de novembro Marisela Des Villanueva, doutora en Ciencias Mariñas, visitou a aula de 1ºB de bacharelato para falarlle ao alumnado de Bioloxía e Xeoloxía das súas Impresións sobre o ODS 5 na investigación científica.
A charla foi a primeira Xornada ConCiencia do curso 2023-2024, e viña a conto da preparación e motivación do alumnado para o Congreso de Jóvenes Expertos que se vai celebrar en Ponferrada o 16 de febreiro de 2024.
Marisela fixo un repaso cronolóxico da súa traxectoria formativa e como investigadora, destacando a brecha de xénero e as diferenzas, en particular entre a situación das investigadoras en España e no extranxeiro, onde semella ser máis doado acadar certa estabilidade e seguridade tanto a hora de falar de ingresos como de acadar méritos e categoría profesional.
Agradecemos a Marisela a súa dispoñibilidade e a profesionalidade á hora de comunicar e divulgar sobre o Obxectivo de Desenvolvemento Sostible 5.
