O domingo 5 de novembro varios docentes, acompañados polo xeólogo Eduardo José González Clavijo, achegámonos ata Seoane do Courel para asistir á xornada divulgativa Cronoloxía da última glaciación nas montañas do Courel.
Augusto Pérez Alberti foi o encargado de abrir a sesión cunha charla introdutoria sobre o glaciarismo do Courel no contexto das montañas galegas.
A continuación foi o turno de Jesús Ruíz Fernández, que falou da xeocronoloxía da última glaciación nesas montañas no contexto do noroeste da península ibérica. Cedeu o turno a Benjamín González Díaz, que explicou con detalle a aplicación do método de datación mediante isótopos cosmoxénicos no glaciar da Seara. Jesús retomou a palabra e pechou a charla na estación científica do Courel.
A organización da xornada puso a disposición dos asistentes un transporte para desprazarnos ata A Seara. A primeira parada foi no miradoiro de A Golada, para máis tarde parar no till da Seara, con intervencións de Jesús Ruíz e Daniel Ballesteros.
Queremos agradecer á organización da xornada, en particular a Ramón Vila Anca, as facilidades proporcionadas para participar na mesma.
