O domingo 19 de novembro a Xuntanza de Micólogos “Os Cogordos” (inscrita no Rexistro Provincial de Asociacións do Goberno Civil de Ourense co número 278, con data do 21 de febreiro de 1983; ver: http://www.cogordos.com/cogordos), puso fin á XXIV Semana Micolóxica Ourensá coa Exposición Anual de Cogomelos, no Liceo de Ourense. A visita á mesma era gratuita, en horario de 10:00 a 14:00 e de 16:00 a 20:00 h. Durante a xornada do sábado, os voluntarios da asociación sairon a cubrir distintas zonas na contorna da cidade para concentrarse no Liceo a partir das 05:00 h e montar a exposición.
A XXIV Semana Micolóxica Ourensá comezou o martes 14 coa conferencia O xénero Amanita en Ourense, a cargo de D. Juan José Martínez Álvarez, licenciado en Veterinaria e Micólogo membro da Xuntanza de Micólogos “Os Cogordos”.
O mércores 15 foi o turno da conferencia A micoloxía como recurso educativo, que tivo como poñente a Dª Conchi Zúñiga González, mestra, blogueira (http://cocinandosetas.com) e tamén membro da Xuntanza de Micólogos “Os Cogordos”. A continuación A importancia dos fungos para o ser humano, a cargo de Hugo Conde Alonso, Jorge Caldas Canal e Hugo Saavedra Fernández, alumnos do Colexio San José.
O xoves 16 tivo lugar a conferencia A fotografía Micolóxica, de D. Pablo S. González Prieto e D. Juan José Martínez Álvarez, membros da Xuntanza de Micólogos “Os Cogordos”.
O venres 17 D. Manuel Sánchez-Ocaña Olay, Micólogo, Presidente da Asociación Micolóxica La Corra-Oviedo, falou de Cogomelos medicinais.
Para todas e todos os que teñades interese, todos os luns do ano teñen lugar os luns micolóxicos, a partir das 20:00 h no local dos Cogordos, na rúa Parada Justel nº2 soto, en Ourense.
