No mes de setembro un grupo de 11 alumnos e alumnas de 2º, 3º e 4º da ESO, visitamos os famosos Cantís de Moher (Cliffs of Moher) e o Burren, en Irlanda, dentro das actividades previstas no Programa de Inmersión Lingüística do centro.
O sábado 9 de setembro achegábamonos desde Galway, a nosa cidade de estancia…
… ao condado de Clare, uns 75 km ao sur, para desfrutar dunha das principais atraccións turísticas da Illa Esmeralda.
Dunguaire Castle (16th century), Kinvarra.
Este impresionante relevo está situado no extremo suroccidental da rexión de The Burren (literalmente, lugar pedregoso), unha abraiante paisaxe kárstica, de aspecto case luar, orixinada pola meteorización de determinadas rochas (caliza, dolomía, xeso,…) que ademais contén algúns dólmenes, e que tamén visitamos brevemente antes de chegar aos cantís.
Cliffs of Moher, trátase dunha zona de cantís sobre a costa do Océano Atlántico, con alturas que acadan aos 214 metros, que ademais de formar parte das Sete Novas Marabillas da Natureza, é o hábitat de moitas especies de aves coma os frailiños do Atlántico, Fratercula arctica, as alcas, Alca torda, ou a gaivota tridáctilia, Rissa tridactyla.
Fotografía tomada por José Enrique Fernández en agosto de 1998.
De esquerda a dereita, fotografías tomadas por: Cristina López, en 2010 (2); José Enrique Fernández, 2012; e Cristina López, 2023.
Fotografías tomadas por Cristina López en 2010.
Fotografía tomada por José Enrique Fernández en agosto de 1998.
Fotografías tomadas por Cristina López en 2010.
Fotografías tomadas por José Enrique Fernández o 21 de agosto de 1998 e o 28 de xullo de 2012.
No centro de visitantes atopamos unha exposición sobre a formación rochosa e a fauna que vive nos cantís, así como una proxección sobre os mesmos.
Os 750 metros de carreiros xunto aos cantís ofrecéronnos perspectivas moi interesantes e rápidas, aínda que a rexión dispón doutros roteiros, como se aprecia nas seguintes imaxes.
