O mércores 12 de abril, entre as 12:15 h e as 13:15 h, alumnado de 1ºB de Bacharelato e dos tres cursos de 3º de ESO asistiu á charla de María Jesús Sainz na Aula Magna do CPR Plurilingüe María Auxiliadora de Ourense.
María Jesús Sainz é profesora na Facultade de Veterinaria do Campus de Lugo. A charla está integrada na oferta formativa do programa “A Ponte entre o Ensino Medio e a USC”, da Universidade de Santiago de Compostela.
A poñente levou a cabo unha presentación sobre o impacto ambiental dos alimentos que consume a especie humana, comezando por contextualizar a historia da agricultura, continuar coa perda de hábitats e biodiversidade, e rematar coa pegada ecolóxica e, en particular, co consumo de auga.
Agradecemos a María Jesús Sainz o esforzo e a boa dispoñibilidade.
