O luns 17 de abril o alumnado de 1ºB de ESO do noso centro, na compaña de Gustavo e Quique, tivo a oportunidade de percorrer o tramo Ponte Vella-Parque Botánico de Montealegre, escape noreste do sendeiro periurbano de Ourense. Esta actividade, organizada polo Seminario de Ciencias Experimentais, levouse a cabo entre as 08:30 e as 17:30 h.
Ao longo do roteiro fixemos unha manchea de paradas de interpretación. Nesta ocasión destacamos as actividades de identificación de fauna e flora, facendo uso de láminas plastificadas e botando man de contidos recollidos de libros como “O herbario de Rosalía”, de María López Sández. Precisamente, e grazas ao Programa A Ponte entre o Ensino Medio e a USC, esta profesora da Área de Didáctica da Lingua e a Literatura, e Vicedecana da Facultade de Ciencias da Educación da Universidade de Santiago de Compostela, será a poñente da 7ª Xornada ConCiencia deste curso, que levará por título Proxectos interdisciplinares entre as Ciencias Naturais e a Literatura ao través do Herbario de Rosalía de Castro. Esta actividade se levará a cabo na Aula Magna do centro o día 25 de maio.
Na cunca do Loña, o alumnado recolleu datos sobre o estado dos muíños, a vexetación de ribeira e as características das Pontes, destacando a Ponte Vella, sobre o Miño, e a Ponte Medieval, sobre o Loña.
Ao chegar á altura da Ponte de Mende non pudiemos avanzar pola senda do Loña, dado que os episodios de crecentes do Loña polas choivas de hai uns meses deixaron en estado intransitable algún tramos da infraestructura, sen que o Concello de Ourense levara a cabo as tarefas de restauración da mesma. Esta circunstancia foi recollida pola prensa uns días antes de que levaramos a cabo o roteiro.
O caso foi que tivemos que facer o percorrido ata as inmediacións do CPI Plurilingüe José García García (en Mende) pola estrada; logo dun breve descanso para repoñer forzas comezamos o ascenso polo Camiño Real, que nos levou ata Santomé.
No miradoiro de Santomé, con moi boa visibilidade, parada para apreciar a depresión do val do Miño ao seu paso por Ourense e a paisaxe de replanos morfolóxicos, cos seus niveis de cumio, e as diversas unidades diferenciadas de poboamento e actividade humana, cada volta máis intensa segundo nos achegamos ao fondo do val.
Logo, interpretación do patrimonio histórico e natural nas distintas seccións do Castro de Santomé.
A natureza da contorna, espléndida nesta época do ano. Descendimos ata Castadón e continuamos cara Ceboliño.
No núcleo rural de Ceboliño, onde puidemos ver o único cartel informativo do noso proxecto que segue en pé, á beira dos instalados polo Concello de Ourense, fixemos un descanso e tivemos ocasión de charlar con Arturo, da Asociación de Veciños de Ceboliño, que moi amablemente abriu o local social para que puideramos usar os aseos e tomar algunha bebida fresca.
Nas horas centrais do día, e procurando un espazo axeitado para xantar, continuamos cara o Parque Botánico de Montealegre.
José Manuel Corbal, coordinador e xestor do Parque Botánico de Montealegre, recibiunos ao chegar, preto das 14:15 h. Falounos das dificultades e retos para manter en bo estado un espazo destas dimensión e características.
Logo de xantar, aprendimos a usar a aplicación ARBOLAPP, que permite identificar especies de árboles empregando claves dicotómicas.
Antes de voltar á cidade dimos un paseo polo Parque Botánico de Montealegre na procura dos seus miradores e paneis informativos.
O luns 8 de maio Xulio e Quique acompañarán a 1ºC, e o luns 15 de maio Gustavo e Bibiana farán o propio con 1ºA.
Con estes roteiros pechamos o ciclo programado polo centro co obxectivo de que o alumnado de ESO e Bacharelato teña a oportunidade de descubrir os valores ambientais e patrimoniais da contorna. As visitas do curso 2022-2023 estiveron distribuídas do seguinte xeito:
