O luns 7 de marzo, entre as 10:10 e as 11:00, alumnado de Bioloxía e Xeoloxía de 4º de ESO do centro seguiu no Salón de Actos a quinta Xornada ConCiencia deste curso.
A actividade divulgativa, organizada polo Seminario de Ciencias Experimentais en colaboración co Programa A Ponte entre o Ensino Medio e a USC, tivo como protagonista a Ignacio Javier Díaz-Maroto Hidalgo, Profesor titular do Departamento de Enxeñaría Agroforestal da USC, Grupo de Investigación Modelización, Enerxía e Mecanización en Biosistemas (BioMODEM). Compartiu connosco a ponencia A CONSERVACIÓN E A XESTIÓN SUSTENTABLE DOS NOSOS BOSQUES NATIVOS DE FRONDOSAS AUTÓCTONAS.
A charla divulgativa foi grabada co equipo do profesor Manuel Blanco, que posteriormente editou o mateiral audiovisual para poder compartir o mesmo na canle de youtube do centro.
O profesor levou a cabo una completa presentación sobre a situación dos bosques de frondosas no ámbito da nosa comunidade autónoma, destacando o seu estado de conservación e a singularidade dalgunha delas, como no caso da Fraga de Cecebre.
A presentación contaba con imaxes moi ilustrativas do tema que o profesor estaba a expoñer, achegándonos coas mesmas á Devesa da Rogueira, a Os Ancares, ás Fragas do Eume e ao Castiñeiro de Pumbariños, no Souto de Rozavales, entre outros.
Queremos agradecer a Ignacio J. Díaz-Maroto e ao Programa A Ponte entre o Ensino Medio e a USC o esforzo levado a cabo para compartir connosco esta experiencia didáctica.
