O venres 14 de xaneiro, entre as 11:40 e as 13:20, alumnado de Cultura Científica de 1º de Bacharelato e alumnado de Ciencias de 2º de Bacharelato do centro tiveron a oportunidade de seguir no Salón de Actos do centro a terceira Xornada ConCiencia deste curso.
A actividade divulgativa, organizada polo Seminario de Ciencias Experimentais do centro, tivo como protagonista a Francisco Omil Prieto, Catedrático do Departamento de Enxeñaría Química da USC, Biotecnoloxía Ambiental (BIOGROUP), Centro Interdisciplinar de Investigación en Tecnoloxías Ambientais (CRETUS). Compartiu connosco a ponencia APLICACIÓN DA TECNOLOXÍA MEDIOAMBIENTAL EN GALICIA.
A charla divulgativa foi grabada por Manuel Blanco, que posteriormente editou o material audiovisual para poder compartir o mesmo na canle de youtube do proxecto.
O profesor levou a cabo una completa presentación sobre a situación da Biotecnoloxía e a Enxeñaría Ambiental no ámbito da nosa comunidade autónoma, destacando o papel da formación universitaria, un dos centros de interese para o alumnado presente na charla.
Francisco Omil explicou os tipos de Biotecnoloxía, relacionando os mesmos cos estudos universitarios e o amplo ábaco de posibilidades do alumnado á hora de tomar decisións no referente á orientación-formación profesional.
A presentación contaba con imaxes moi ilustrativas do tema que o catedrático estaba a expoñer. Algunhas facían referencia a episodios históricos, outras a personaxes destacados no ámbito da investigación en Galicia.
Queremos agradecer a Francisco Omil a ao programa “A Ponte entre o Ensino Medio e a USC” o esforzo levado a cabo para compartir connosco esta experiencia didáctica.
Publicación no Faro de Vigo o sábado 15 de xaneiro de 2022.
